|
作為爸爸，要出外打拼撐起頭家，在家中同時亦要做好父親的一職，與子女打好關係，殊不簡單。前香港電台節目主持兼節目總監曾智華，在咪前口若懸河，所做的節目質素有所保證，深受歡迎。在家庭方面，他坦言當年只顧工作，管教和學業上均由太太包辦，自己則負責與子女「玩」；由於他從小到大對子女都採自由路綫，不會壓逼他們，互相尊重。至今，兩名子女已長大成人，大家關係融洽，更各自找到自己的興趣，還像爸爸一樣，投身傳媒行列。
享天倫樂
資深傳媒人曾智華，憑一頭「陸軍裝」及一把雄渾的聲綫，作為他的生招牌，在廣播界縱橫三十多年，最廣為人知是主持港台的長壽節目《晨光第一綫》，更因此成為響噹噹的電台及電視節目主持及總監。在2014年初，他退下火綫，開展人生另一個新階段，組織『慈善同學會』四圍去旅行、寫專欄及出書，如最新出版的新書《快樂退休》，從健康、心態、投資等多方面，與讀者分享其豐盛和快樂的退休生活，「我離開咗公務員行列，現在好似海鷗飛翔般，鍾意做咩都得，所以我係朋友中，公認好少退休得咁開心?人。」
儘管曾智華的一對子女已長大成人，但仍一起居住，彼此感情要好。他提議每年要闔家去旅行，「我同佢哋講，我唔知有幾多年命，由今年開始全家人去旅行，限五小時機程，我負責所有使費，佢哋諗地點，大家一齊去玩去傾偈，希望有高質素?天倫之樂。今年去咗日本，後生仔女梗係話去日本啦，唔通同你返大陸咩。」鬼主意多多的他，一直是家中的「康樂組」，自小與子女一起「玩」，「唔同階段有唔同玩法，佢哋細個時會帶佢哋去游水、去戶外玩，都幾享受。」
了解性格
曾智華透露一對子女的成長時期，正值是其事業搏殺期，幸得身邊有一位賢內助，打理成頭家，令他在工作上全速前進，「嗰時一朝早返工，做電台、電視，又要做管理方面?工作，心力交瘁，所以我未試過同仔女換片、餵奶同掃風，亦冇教過佢哋寫字同計數，全部都係由太太和工人去做，所以我冇參與過湊大佢哋，自己亦冇耐性去做。」幸好，他與太太的管教方向一致，不會壓逼子女，讓他們在自由且充滿家庭溫暖的環境下成長，「佢哋由幼稚園到中學都係讀培正，太太對佢哋?要求只係及格和升到班就得，成績一般，佢哋好幸福，我哋從來都冇打，又不會逼佢哋做唔鍾意做?事。」
所以，長女「肥女B」自小學彈琴和跳芭蕾舞，而幼子「排骨B」則喜歡玩模型車和飛機等；長大了的幼子與時下的年輕人一樣喜歡打機，長女有時也打埋一份，但曾智華非常開通，沒有加以阻止，「阿仔成日喺屋企打機，換轉我啲朋友就一定鬧，但我一句都冇話佢，將心比己，我覺得要了解佢點解鍾意打機，而唔係鬧佢，破壞大家?感情。」
他認為人的能力和性格都是天賦，作為父母要順?子女的天性栽培，而不是操控子女。而他亦非常了解兩名子女的性格，「就算出自同一個家庭，仔女?性格都有唔同，阿仔比較文靜、唔喜歡出街、觀察能力強、循規蹈矩，是有原則?人，似足太太；阿女則似我，較外向、腦筋靈活、好多社交活動、鍾意四圍走。」
傳媒之家
事實上，一家四口都是傳媒工作者，太太是浸會大學傳理系的高材生，曾任職TVB；長女和幼子在多倫多大學讀書，分別修讀傳理系和社會系。回港後，兩個都在不同的電視台工作，長女在FOX做製作，幼子在一間電視台做撰稿工作，「雖然我哋關係好好，但佢哋好少同我傾工作上?嘢，可能覺得我老土，除非好需要，否則我都唔想介入佢哋?思維、工作同生活，但有時食飯，阿仔會叫我哋睇佢有份做?節目。」
反之，曾智華會將自己寫的文章放在家人的WhatsApp群組內分享，「佢哋細個時都冇話特別聽或睇我做?節目，好多時屋企人係唔會欣賞大家做?事，但佢哋從小就知道我做咩工作。」
從小給予子女自由和空間發展，收放自如，讓他們找到一條適合走的路；加上互相尊重，營造出和諧的家庭氛圍和關係，成為曾智華與子女的相處之道。
本交摘自2017年7月12日《東周刊》B130-132 親子天地
|
|
|
|
